Украінскія воіны «падбілі» СПА расіян у Крыме і на Луганшчыне

• 9.03.2026, 19:20

Падрабязнасці ад Генштаба Узброеных Сіл Украіны.

Украінскія абаронцы 8 сакавіка і ў ноч на 9 сакавіка нанеслі серыю ўдалых удараў па аб'ектах расійскіх акупантаў.

Пра гэта паведамляе Генштаб Узброеных Сіл Украіны ў Telegram.

Як адзначылі ў Генштабе, Сілы абароны Украіны атакавалі:

РЛС са складу ЗРК С-300 — у раёне населенага пункта Спакойнае (часова акупаваны Крым);

ракетны комплекс «Бук-М3» — у раёне Ліманчука (часова акупаваная частка Луганскай вобласці).

Удары па камандных пунктах

Украінскія воіны нанеслі дакладныя ўдары па камандна-назіральных пунктах ворага. У прыватнасці, паражаны пункт падраздзялення са складу «Рубікон» у раёне Данецка.

Таксама пад удары трапілі пункты кіравання ў раёнах: Запарожскага, Краснасёлаўкі і Гогалеўкі (Запарожская вобласць) і Зачатоўкі (Данецкая вобласць).

Акрамя тэхнікі і штабоў, Сілы абароны накрылі раёны канцэнтрацыі асабовага складу акупантаў. Выбухі гучалі ў раёнах Родынскага і Палтаўкі (Данецкая вобласць), а таксама Пятрапаўлаўкі Харкаўскай вобласці.

«Сістэмнае паражэнне сродкаў супрацьпаветранай абароны, пунктаў кіравання і раёнаў канцэнтрацыі жывой сілы праціўніка аслабляе яго здольнасці кіраваць войскамі і весці баявыя дзеянні», — адзначылі ў Генштабе.

Цяпер ступень нанесенай шкоды ўдакладняецца.