Беларусь за 10 гадоў страціла 20% настаўнікаў матэматыкі

• 9.03.2026, 20:21

Куды яны падзеліся?

За апошнія 10 гадоў Беларусь страціла кожнага пятага настаўніка матэматыкі. Вучняў у школах пры гэтым стала на 15% больш. У выніку: у 2013/14 навучальным годзе на кожнага настаўніка матэматыкі прыходзілася па 109 вучняў, а ў 2023/24 — ужо па 157, падлічыў былы супрацоўнік Міністэрства адукацыі Сяргей Ольшэўскі.

«Яны выйшлі на пенсію? Змянілі прафесію? З'ехалі з краіны? Ці проста вырашылі, што працаваць у школе больш немагчыма?» — задае рыторычныя пытанні эксперт у галіне адукацыі.

У каментарыях пад пастом Ольшэўскага адзначаюць, што настаўнікі матэматыкі, як і настаўнікі англійскай мовы, могуць лёгка знайсці месца на рынку працы па-за школай.