Трамп і Пуцін правялі тэлефонную размову

• 9.03.2026, 22:32

Што абмяркоўвалі.

Увечары 9 сакавіка адбылася тэлефонная размова паміж прэзідэнтам ЗША Дональдам Трампам і кіраўніком Расіі Уладзімірам Пуціным, паведаміў журналістам на брыфінгу памочнік расійскага дыктатара Юрый Ушакоў, перадае карэспандэнт РБК.

Паводле яго слоў, акцэнт у размове быў зроблены на канфлікце ЗША і Ізраіля з Іранам. Таксама бакі абмеркавалі ўрэгуляванне вайны РФ ва Украіне.

«Адразу скажу, што размова насіла дзелавы, адкрыты і канструктыўны характар, як гэта звычайна адбываецца ў дыялогу паміж расійскім і амерыканскім лідарамі», — паведаміў Ушакоў. Паводле яго слоў, Трамп «даў сваю ацэнку развіццю сітуацыі ў кантэксце вядзенай амерыкана-ізраільскай аперацыі». «З гэтай нагоды адбыўся вельмі прадметны і не бяскарысны абмен меркаваннямі», — распавёў памочнік дыктатара Расіі.