У цэнтры Пецярбурга бегаў мужчына з бензапілай

• 1.04.2026, 6:40

Ён пужаў мінакоў у скверы.

У Пецярбургу паліцыя затрымала 50-гадовага прыезджага, які пужаў мінакоў бензапілай. Пра гэта паведамляе ГУ МУС па Пецярбургу і Ленінградскай вобласці.

Інцыдэнт адбыўся 31 сакавіка каля другой гадзіны ночы. У паліцыю паступіла паведамленне, што невядомы бегае па Пушкінскім скверы з бензапілай і спрабуе яе завесці. Правапарушальніка аператыўна затрымалі, бензапілу забралі.

Затрыманым аказаўся 50-гадовы жыхар Пскоўскай вобласці. Ён знаходзіўся ў стане моцнага алкагольнага ап'янення і не змог растлумачыць, што падштурхнула яго да такіх дзеянняў. Мужчыну даставілі ў аддзел паліцыі.