Расія страціла ваенны Ан-26 над Крымам

• 1.04.2026, 7:48

Самалёт знік падчас палёту.

У Міністэрстве абароны РФ заявілі аб страце сувязі з самалётам Ан-26 падчас планавога пералёту над часова акупаваным Крымам. Лёс экіпажа на дадзены момант застаецца невядомым.

Пра гэта паведамляе РБК-Украіна са спасылкай на публікацыю афіцыйных уладаў РФ. Інцыдэнт адбыўся 31 сакавіка каля 18:00 па мінскім часе.

Самалёт РФ знік падчас палёту

Падчас выканання планавога пералёту над часова акупаваным Крымам расійскі самалёт Ан-26 перастаў выходзіць на сувязь. Пра гэта паведамілі ў Міністэрстве абароны РФ.

На дадзены момант няма пацверджанай інфармацыі пра стан экіпажа і магчымыя прычыны здарэння.

Версію аб паражэнні не пацвярджаюць

У расійскім ведамстве заяўляюць, што прыкмет паражальнага ўздзеяння на самалёт не зафіксавана. Гэта версія, паводле іхніх звестак, не разглядаецца як асноўная. Абставіны інцыдэнту працягваюць высвятляцца.

У раён накіраваны пошукавыя групы

У меркаваны раён знікнення самалёта ўжо накіраваныя пошукава-выратаўчыя групы. Іх задача — устанавіць месцазнаходжанне Ан-26 і высветліць лёс экіпажа.

Акрамя Ан-26, Расія магла страціць яшчэ адзін ваенны самалёт 31 сакавіка: Z-прапагандыст Fighterbomber паведаміў пра крушэнне знішчальніка-бамбардзіроўшчыка Су-34. Іншыя Z-блогеры пішуць, што самалёт мог разбіцца падчас адбіцця атак украінскіх беспілотнікаў. Паведамляецца, што пілот загінуў, а лёс штурмана пакуль дакладна невядомы. Ваенны партал «Мілітарны» дапусціў, што самалёт выконваў баявы вылет у якасці носьбіта кіраваных авіябомбаў. Генеральны штаб ЗСУ і Паветраныя сілы Украіны гэтую інфармацыю пакуль не каментавалі.