У дамах беларусаў пачалі адключаць ацяпленне

• 1.04.2026, 14:23

Першае рашэнне прынялі на поўдні.

У Беларусі пачалі адключаць ацяпленне ў жылых дамах — першымі такое рашэнне прынялі ў Мазырскім раёне. Пра гэта паведаміў тэлеграм-канал «Мозырь News».

Паводле інфармацыі, Мазырскі райвыканкам пастанавіў з 1 красавіка спыніць падачу цяпла ў жылым фондзе і інтэрнатах, а таксама ў грамадскіх і адміністрацыйных будынках, лазнях, тэатрах, установах адукацыі (акрамя школ і дзіцячых садкоў) і на прамысловых аб’ектах.

Мазыр уваходзіць у лік буйнейшых гарадоў краіны, займаючы 11-е месца па колькасці насельніцтва — тут пражывае каля 104 тысяч чалавек.