Дубайскія шэйхі ў шоку

• Сяргей Фурса
• 1.04.2026, 15:21

Кружылі-кружылі Трампа — і атрымалі.

Рынкі паверылі, што Трамп рыхтуе глебу ўжо для трэцяга TACO. Якое яго зноў прымушаюць зрабіць тыя ж рынкі. Адзінае, што яшчэ можа ўплываць на паводзіны Трампа. І вось Трамп кажа пра 2–3 тыдні, нафта ляціць ніжэй за 100 долараў за барэль, а амерыканскія фондавыя рынкі паказваюць бадай найлепшы дзень за год, дадаючы каля 3 працэнтаў.

Парадакс у тым, што калі рынкі павераць занадта моцна, ціск на Трампа з боку цэн на нафту, кошту амерыканскага доўгу і дынамікі рынку акцый змяншыцца, то 2–3 тыдні Трампа ператворацца ў 2–3 тыдні Арастовіча.

Тым больш, гэта ўжо было. Трамп такое ўжо казаў. А потым перадумаў.

І, вядома, завяршэнне бамбавання Ірана з боку Ізраіля і ЗША не гарантуе завяршэння энергетычнага крызісу. Іран аўтаматычна праліў не разблакуе. Хоць, хутчэй, набліжае нас да далейшага зніжэння кошту нафты. Што не можа не радаваць, бо высокія цэны на нафту занадта радуюць Пуціна. І натхняюць расіян на новыя ўльтыматумы.

Нас жа радуе, што поўнасцю скарыстаць час высокіх коштаў на нафту Пуцін не можа. Дзякуючы добрым украінскім дронам, якія змаглі рэальна абрынуць фізічны аб’ём экспарту расіян. Неверагодны поспех тых, хто іх запускаў. І вырабляў.

Абрынуць, прынамсі, часова. І калі Трамп такі канчаткова дасць задні ход, то выгоды расіян ад яго вайны будуць вельмі абмежаваныя. І мы зноў сканцэнтруемся на велізарнай дзірцы ў бюджэце Пуціна, якую не перакроюць ніякія знешнія крэдыты, падзенні ВУП Расіі і іншых прыемных навінах з боку расійскай эканомікі. Але для гэтага Трамп павінен як мага хутчэй зліцца.

Хоць, акрамя бюджэту, ёсць пытанне знясіленасці запасаў ракет-перахопнікаў. І гэта рэальны выклік для Украіны наступнай зімой. Таму пытанне энергетычнага перамір’я застаецца актуальным нават на фоне палаючых расійскіх партоў. Бо ўдары па нашых энергетычных аб’ектах — гэта не толькі ціск на маральны стан тылу, але і значны ўдар па эканоміцы. Сёлета, калі ўдары па энергетыцы будуць працягвацца, гэта будзе каштаваць нам 2,5% ВУП.

І больш за ўсіх у шоку дубайскія шэйхі. Кружылі-кружылі Трампа — і атрымалі. Без змены рэжыму ў Іране Дубай цяпер заўсёды будзе разглядацца як тэрыторыя, дзе «могуць паўтарыць». Дрэнная гісторыя для тэрыторыі, якая прыцягвала грошы з усяго свету, у прыватнасці, вобразам абсалютнай бяспекі. Хоць гэта, вядома, іх праблемы. Якія нас датычаць толькі праз разуменне таго, што гэтым хлопцам спатрэбіцца вельмі шмат украінскіх дронаў. Пра запас.

Сяргей Фурса, «Фэйсбук»