У Нёман выпусцілі 10 тысяч залатых рыбак

• 1.04.2026, 18:34

Навошта?

Адразу 10 тыс. залатых рыбак запусцілі ў акваторыю Нёмана. Ці так гэта насамрэч, разбіраўся NewGrodno.

Пра гэта журналістам паведаміў жыхар Гродна, які стаў сведкам незвычайнага зарыблення.

«Мне проста сказалі, што гэта не для прыгажосці, а для карысці ракі», — расказаў Аляксей.

На справе высветлілася, што рыбкі сапраўды залатыя — гэта былі карасі адпаведнай афарбоўкі.

Іх вырасцілі для вадаёмаў у буйных гарадах. Яны харчуюцца смеццем, ілам, раслінамі — усім тым, што засмечвае ваду. Працуюць як санітары ракі.

За «навасёламі» будуць сачыць. Кожная асобіна аснашчаная GPS-трэкерам. Таму спецыялісты змогуць адсочваць перамяшчэнне карасёў і ацэньваць эфектыўнасць іх працы.

Рыбаловаў папярэдзілі: вылоўліваць гэтую рыбу нельга. За кожную пагражае ўнушальны штраф. За гэтым будзе сачыць спецыяльны экалагічны патруль.