У Беларусі абвясцілі пра запуск 5G

• 1.04.2026, 20:18

Хто і дзе ўжо можа падключыцца.

Беларусы дачакаліся — па краіне абвясцілі запуск сеткі 5G. Першымі ёю змогуць скарыстацца абаненты Life.

Паэтапны запуск сеткі ажыццяўляецца ў партнёрстве з адзіным інфраструктурным аператарам beCloud. Адзіны аператар забяспечвае доступ да сучаснай 5G-інфраструктуры, а Life прадастаўляе паслугі сувязі абанентам.

«Мы як інфраструктурны аператар забяспечылі працу сеткі 5G з 1 студзеня 2026 года і далі магчымасць усім аператарам аказваць паслугі сваім абанентам», — заявіў генеральны дырэктар інфраструктурнага аператара beCloud.

Таму доступ да новай сеткі неўзабаве змогуць атрымаць і абаненты іншых буйных мабільных аператараў.

Сетка новага пакалення ўжо даступная ў Мінску, а таксама Брэсце, Віцебску, Магілёве і Гомелі. У асобных лакацыях абаненты ўжо могуць бачыць значок 5G на экранах сваіх прылад.

Станам на пачатак красавіка бягучага года абанентам Life ужо даступныя больш за 1000 базавых станцый 5G. Сетка актыўна пашыраецца. Хутка яна стане даступнай і жыхарам Гродна.

Перавагі 5G неаспрэчныя — вышэйшая хуткасць інтэрнэту, меншая затрымка і больш стабільная работа сеткі, асабліва ў месцах высокай нагрузкі. Але падключыцца можна не з кожнай Android-прылады.

Як уключыць падтрымку 5G у наладах тэлефона? Шукаем «Налады» — «Мабільная сетка» — «Падключэнні» — «Тып сеткі» — «Пераважны рэжым», затым выбіраем рэжым з падтрымкай 5G/4G/3G/2G.