У Беларусі ўвялі важныя змены ў пенсійнай сістэме

• 10.04.2026, 10:47

Сталі вядомыя падрабязнасці.

У Беларусі чыноўнікі выключылі больш за 800 прафесій са спісаў на датэрміновую пенсію за працу ў шкодных і цяжкіх умовах. У Мінпрацы расказалі падрабязнасці пра гэтыя змены.

З 1 ліпеня ў Беларусі пачнуць дзейнічаць абноўленыя, скарочаныя спісы прафесій, якія даюць права на датэрміновую пенсію за працу ў шкодных і цяжкіх умовах. З іх выключылі больш за 800 прафесій і пасад, якія ўлады прызналі неактуальнымі. Гаворка ідзе пра пазіцыі, якія больш не выкарыстоўваюцца ў эканоміцы, пра прафесіі, па якіх атэстацыя працоўных месцаў нідзе не пацвердзіла шкодныя ўмовы працы, а таксама пра тыя, дзе ў апошнія гады ўмовы працы лічыліся аптымальнымі або дапушчальнымі.

Калі прафесія засталася ў абноўленых спісах, стаж для датэрміновай пенсіі будзе і далей налічвацца ў ранейшым парадку, патлумачылі ў Мінпрацы.

«Не таму, што яны „перасталі быць шкоднымі“, а таму што фактычна зніклі з эканомікі (састарэлыя тэхналогіі, змененыя назвы пасад) альбо на працягу многіх гадоў ні на адным прадпрыемстве паводле вынікаў атэстацыі не пацвярджалася рэальная шкоднасць», — адзначылі ў ведамстве.

«Права на прафесійную пенсію цалкам захоўваецца, паколькі яно ўрахоўваецца на падставе дакументаў, што дзейнічалі ў перыяд працы», — удакладнілі ў Мінпрацы.