Хантар Байдэн выклікаў сыноў Трампа на паядынак у клетцы
- 10.04.2026, 16:44
Рэакцыя сям'і прэзідэнта ЗША пакуль невядомая.
Сын былога Джо Байдэна заявіў, што гатовы выйсці на паядынак супраць сыноў Дональда Трампа — Дональда Трампа-малодшага і Эрыка Трампа.
Ідэю паядынку яму прапанаваў кіраўнік медыяпраекта Channel 5 Эндру Калаган<.b>. Ён нібыта хоча арганізаваць бой у клетцы ў межах свайго тура напрыканцы месяца.
«Я сказаў яму, што згодны — на 100%, калі ён зможа гэта арганізаваць. А калі не — я ўсё адно прыеду», — заявіў Хантар Байдэн у відэа, апублікаваным у сацсетках.
Пакуль невядома, ці пагодзяцца на паядынак Дональд Трамп-малодшы і Эрык Трамп. Ні прадстаўнікі сям'і Трампа, ні Белы дом пакуль не каментавалі сітуацыю.