Іспанія заявіла пра гатоўнасць далучыцца да арміі Еўропы «ужо заўтра»

• 10.04.2026, 20:24

На думку Мадрыда, адзіная армія — адзіны спосаб для «сярэдніх дзяржаў» у ЕС адстаяць свае правы.

Іспанія гатовая зрабіць унёсак у стварэнне адзінай арміі Еўропы, заявіў іспанскі прэм’ер Педра Санчэс на форуме European Pulse, яго выступ апублікавала агенцтва Europa Press. На думку Санчэса, адзіная армія — адзіны спосаб для «сярэдніх дзяржаў» у Еўрасаюзе адстаяць свае правы.

«Мы гатовыя рухацца ў кірунку стварэння адзінай арміі Еўропы. Не праз 10 гадоў, не праз два гады, а ўжо заўтра», — сказаў ён.

Паводле слоў Санчэса, далучэнне да агульнаеўрапейскай арміі — гэта не пытанне жадання. «У нашыя дні ў «сярэдніх дзяржаў», якія ўваходзяць у ЕС, ёсць толькі адзін спосаб заявіць пра сваю бяспеку і абароненасць: стварыць агульную абарону і разам ліквідаваць нашы ўразлівасці. У супрацьлеглым выпадку мы дамо магчымасць астатнім скарыстацца гэтымі ўразлівасцямі», — заявіў ён.

Раней Politico паведамляла, што дэпутаты партыі Volt Europa ў Еўрапарламенце прапанавалі лідарам ЕС стварыць адзіную армію.