Лаўроў адрэагаваў на ўцечку яго размовы з Сійярто

• 11.04.2026, 14:38

Кіраўнік МЗС РФ не стаў адмаўляць іх сапраўднасць.

Кіраўнік МЗС Расіі Сяргей Лаўроў пракаментаваў з'яўленне ў СМІ ўцечак яго тэлефонных размоў з міністрам замежных спраў Венгрыі Петер Сійярто, піша «Еўрапейская праўда».

Прычынай стаў каментар прэс-сакратаркі Еўрапейскай камісіі Паўлы Пінью, якая дапусціла, што кантакты паміж Масквой і Будапештам могуць сведчыць пра каардынацыю дзеянняў, здольную паўплываць на бяспеку і інтарэсы ЕС.

Адказваючы на гэта, Лаўроў заявіў, што «падслухоўваць грэшна», дадаўшы, што калі атрыманыя такім чынам звесткі выстаўляюць у нявыгадным святле саміх слухачоў, ім лепш не рабіць іх публічнымі.

Паводле слоў расійскага міністра, у размовах з Сійярто пераважна абмяркоўвалася абарона правоў венгерскай меншасці ва Украіне.

Раней медыяпраект Vsquare апублікаваў падрабязнасці перамоў, з якіх вынікае, што венгерскія вэта супраць Украіны ў ЕС каардынаваліся з Расіяй.