Трамп: ЗША цалкам знішчылі армію Ірана

• 11.04.2026, 19:22

Уключаючы флот і ВПС.

Прэзідэнт ЗША Дональд Трамп заявіў, што Злучаныя Штаты цалкам разграмілі армію Ірана, у тым ліку флот і ваенна-паветраныя сілы краіны.

У сваёй чарговай публікацыі у сацыяльнай сетцы Truth Social Трамп зноў намякнуў, што СМІ распаўсюджваюць фэйкі, калі пішуць пра паразу ЗША.

- Фэйкавыя СМІ — гэта вар'яцтва, ці проста карумпаваныя людзі! Злучаныя Штаты цалкам знішчылі іранскую армію, уключаючы ўвесь флот і ваенна-паветраныя сілы, і ўсё астатняе. Іх кіраўніцтва мёртвае, - напісаў Трамп.

Ён дадаў, што Армузскі праліў хутка адкрыецца, а пустыя караблі спяшаюцца ў ЗША, каб загрузіцца нафтай.

- Але, калі вы слухаеце фэйкавыя навіны, мы прайгрываем, - падсумаваў ён.