Расія атакавала ва Украіне «хуткую» падчас «перамір'я»

• 12.04.2026, 8:59

Трое медыкаў у Сумскай вобласці паранены.

Нягледзячы на абвешчанае перамір'е на час Вялікадня расійскія акупанты атакавалі медыкаў на Сумшчыне. З дапамогай дрона яны ўдарылі па машыне хуткай дапамогі.

Пра гэта паведамляе РБК-Украіна са спасылкай на інфармацыю кіраўніка Сумскай АДА Алега Грыгорава.

Паводле слоў Грыгорава, атака адбылася ўначы ў Глухаўскай грамадзе. У выніку ўдару дрона пацярпелі трое медыкаў.

Ім аператыўна аказалі дапамогу. Пагрозы жыццю няма.

«Вораг цынічна працягвае атакаваць грамадзянскую інфраструктуру. Будзьце максімальна асцярожныя», - напісаў у сваім Telegram кіраўнік Сумскай АДА.