Тайсан Ф'юры эфектна перамог расіяніна Махмудава

• 12.04.2026, 12:48

Вынік бою ўражвае.

У баі ў ноч на 12 красавіка брытанскі баксёр Тайсан Ф'юры перамог расійскага спартсмена Арсланбека Махмудава на стадыёне «Тотэнхэма» ў Лондане.

Пра гэта паведамляе BBC Sport.

Былы чэмпіён свету правёў бой упершыню за паўтара года пасля паражэнняў ад украінца Аляксандра Усіка у 2024 годзе.

Бой доўжыўся 12 раўндаў, пасля чаго суддзі паставілі 120-108, 120-108, 119-109 балаў на карысць Ф'юры.

Расіянін пачаў бой агрэсіўна, аднак хутка стаміўся, таму Ф'юры кантраляваў амаль увесь паядынак.

У бою розніца па ўдарах стала разючай, бо перавага была ў чатыры разы на карысць Ф'юры: на яго рахунку 199 дакладных удараў, тады як у суперніка — 59. Па прыцэльных сілавых ударах перавага была яшчэ большай — 76:7 на карысць брытанца.

Гэта 35-я перамога ў кар'еры Ф'юры і першая з кастрычніка 2023 года. Дагэтуль ён саступаў толькі Аляксандру Усіку, двойчы ў 2024 годзе.

Пасля перамогі брытанец выхапіў мікрафон і выклікаў на паядынак іншага брытанскага баксёра — Энтані Джошуа, які асабіста прысутнічаў на паядынку ў Лондане.

«Ты наступны. Ты будзеш нокаутаваны, павер», — сказаў Ф'юры.

Джошуа адразу ж адказаў яму.

«Я цябе адлупіў, калі мы былі малыя, і зраблю гэта зноў. Гнаўся за табой 10 гадоў. Ты не будзеш мне казаць, што рабіць. Я — бос, і ты працуеш на мяне», — заявіў ён.