У Венгрыі прагаласавалі ўжо амаль 40% выбарцаў

• 12.04.2026, 13:46

Яўка працягвае біць рэкорды.

Па стане на 11:00 (12:00 па Мінску) 12 красавіка яўка выбарцаў на парламенцкіх выбарах у Венгрыі складае амаль 38%.

Пра гэта піша Telex.

Раней, а 09:00, яўка дасягала 16,89%, тады як а 7:00 раніцы — 3,46%. Па стане на 11:00 яўка складае 37,98%.

Для параўнання, на папярэдніх выбарах чатыры гады таму паказчыкі былі ніжэйшыя, а цяперашняя ранішняя актыўнасць амаль удвая пераўзыходзіць тагачасны ўзровень.

У 2002 годзе, падчас выбараў з самай высокай зафіксаванай яўкай, у другім туры па стане на 11:00 прагаласавалі 30,27% выбарцаў.

Аналітык Матяш Бодзі з Választási Földrajz назваў паказчык па стане на 11:00 ключавым індыкатарам ходу выбараў. Раней ён прагназаваў, што агульная яўка можа дасягнуць 75–80%.

СМІ публікуюць фатаграфіі з выбарчых участкаў. Напрыклад, у Будапешце, як сведчаць фота, людзі становяцца ў чэргі, каб прагаласаваць на выбарах.