Выбары ў Венгрыі: Орбан разгромна прайграе

• 12.04.2026, 21:30

(Абнаўляецца) Апазіцыйная «Тіса» можа атрымаць канстытуцыйную большасць.

Нацыянальны выбарчы офіс Венгрыі апублікаваў першыя вынікі галасавання на выбарах у парламент краіны.

Пасля апрацоўкі 91,90% даных лідзіруе партыя «Тіса» апазіцыянера Пэтэра Мадзяра, якая можа атрымаць 138 месцаў у 199-месным парламенце.

Другое месца ў партыі «Фідэс» прэм’ер-міністра Віктара Орбана, у якой, паводле папярэдняй інфармацыі, 54 месцы.

Такім чынам, «Тіса» можа атрымаць канстытуцыйную большасць у парламенце Венгрыі.

Акрамя таго, на 7 месцаў можа прэтэндаваць крайне правая «Наша Айчына».

У Венгрыі складаная сістэма падліку галасоў на выбарах. Большасць дэпутатаў — 106 з 199 — абіраюць у аднамандатных акругах адноснай большасцю галасоў.

Яшчэ 93 месцы размяркоўваюць паміж партыямі, што пераадолелі пяціпрацэнтны выбарчы бар’ер. Пры гэтым гэтыя мандаты размяркоўваюцца не прапарцыйна, а з улікам даволі складанай сістэмы кампенсацыйных галасоў.