Цэны на нафту могуць абнавіць новы максімум

• 14.04.2026, 8:22

У ЗША назвалі тэрміны піку.

Пік сусветных коштаў на нафту, верагодна, прыпадзе на бліжэйшыя некалькі тыдняў — пасля таго, як праз Армузскі праліў адновіцца суднаходства. Пра гэта заявіў міністр энергетыкі ЗША Крыс Райт на эканамічным форуме Semafor у Вашынгтоне, піша Reuters.

Паводле яго слоў, кошты на энергарэсурсы будуць заставацца высокімі, а магчыма, нават будуць расці да таго часу, пакуль праз праліў не пачнуць праходзіць «рэальныя» аб’ёмы суднаў.

«Мы ўбачым пік коштаў на нафту прыкладна ў гэты час. Гэта адбудзецца дзесьці ў бліжэйшыя некалькі тыдняў», — сказаў Райт.

Ён таксама паведаміў пра рост здабычы нафты ў Венесуэле пасля захопу Нікаласа Мадуры і рэформы нафтавага заканадаўства. З 3 студзеня прададзена 150 млн барэляў венесуэльскай нафты, здабыча вырасла на 25%.

Тым часам прэзідэнт ЗША Дональд Трамп у нядзелю заявіў, што кошты на нафту і бензін могуць заставацца высокімі аж да лістападаўскіх прамежкавых выбараў.