Навукоўцы: Рытм дыхання ўнікальны

• 14.04.2026, 12:21

Па ім можна ідэнтыфікаваць асобу.

Навукоўцы з Інстытута навукі Вайцмана ўстанавілі, што ў кожнага чалавека ёсць устойлівы і індывідуальны малюнак дыхання праз нос, па якім можна дакладна распазнаць асобу і ацаніць стан арганізма. Вынікі даследавання апублікаваныя ў часопісе Current Biology.

У эксперыменце каля 100 добраахвотнікаў на працягу сутак насілі спецыяльную прыладу, якая фіксавала паток паветра праз кожную ноздру. У адрозненне ад кароткіх медыцынскіх тэстаў, запіс вёўся бесперапынна — удзень і ўначы, што дазволіла сабраць дэталёвыя даныя пра дыханне ў паўсядзённым жыцці.

Аналіз паказаў, што спалучэнне дзясяткаў параметраў — глыбіні ўдыху, паўз, хуткасці патоку і асіметрыі паміж ноздрамі — фармуе ўнікальны «дыхальны профіль». На яго аснове алгарытм змог адрозніваць людзей з дакладнасцю 96,8%. Пры гэтым профіль заставаўся стабільным: сістэма распазнавала ўдзельнікаў нават праз месяцы і гады.

Дадаткова высветлілася, што дыханне адлюстроўвае фізіялагічны і псіхічны стан. Па ім можна вызначыць, ці спіць чалавек, ці няспіць, а таксама выявіць сувязі з індэксам масы цела. Некаторыя характарыстыкі дыхання карэлявалі з узроўнем трывожнасці і сімптомамі дэпрэсіі: напрыклад, у больш трывожных людзей ўдых падчас сну быў карацейшы.

Аўтары тлумачаць гэта тым, што дыханне рэгулюецца складанай нейроннай сістэмай у мозгу, якая пастаянна апрацоўвае сігналы ад арганізма. Таму індывідуальныя асаблівасці гэтай сістэмы фармуюць устойлівы і распазнавальны рытм дыхання.