У курынага бялку выявілі нечаканую карысную ўласцівасць

• 14.04.2026, 17:19

Раней невядомы эфект.

Дабаўка на аснове гідралізаванага курынага бялку можа паляпшаць суб'ектыўную якасць сну і самаадчуванне на працягу дня. Да такой высновы прыйшлі даследчыкі з Медыцынскага ўніверсітэта Тайбэя. Праца апублікаваная ў Frontiers in Nutrition.

У рандомізаваным падвойна сляпым плацэба-кантраляваным даследаванні ўдзельнічалі 52 чалавекі са скаргамі на дрэнны сон. На працягу чатырох тыдняў адна група штодня атрымлівала 670 мг экстракта курынага бялку, другая — плацэба.

У працэсе гідролізу курыны бялок расшчапляюць на больш дробныя часткі (пептыды і амінакіслоты). Такі «разрэзаны» бялок лягчэй засвойваецца арганізмам, таму яго актыўна выкарыстоўваюць для вытворчасці спартыўных дабавак і кармоў для жывёл.

Для ацэнкі параметраў сну выкарыстоўваўся Пітсбургскі апытальнік (PSQI), які ўлічвае як агульную якасць сну, так і яго асобныя характарыстыкі. Па выніках эксперыменту істотнай розніцы паміж групамі паводле аб'ектыўнага сумарнага паказчыка сну выяўлена не было. Аднак удзельнікі, якія прымалі дабаўку, паведамлялі пра больш высокую суб'ектыўную якасць сну — яны часцей адзначалі, што пачалі спаць лепш.

Таксама ў гэтай групе назіралася ўмеранае паляпшэнне дзённага самаадчування, уключаючы ўзровень бадзёрасці і працаздольнасці, хоць гэты эфект не дасягнуў строгай статыстычнай значнасці.

Аўтары тлумачаць магчымы ўплыў дабаўкі наяўнасцю біёактыўных пептыдаў у гідралізаваным курынім бялку, якія могуць уздзейнічаць на нервовую сістэму і працэсы аднаўлення арганізма падчас сну.