Словы Трампа шакавалі Хілары Клінтан

• 15.04.2026, 2:13

Былая дзяржаўная сакратарка і кандыдатка ў прэзідэнты ЗША выказалася пра Армузскі праліў.

Былая дзяржаўная сакратарка і кандыдатка ў прэзідэнты ЗША Хілары Клінтан заявіла, што яе шакавалі словы Дональда Трампа пра перакрыццё Армузскага праліва. Яе словы цытуе Clash Report.

«Шакуе, што Трамп заявіў, быццам яго ніхто не папярэджваў пра тое, што Іран можа закрыць Армузскі праліў. У кожнай ваеннай кампаніі, у якой я калі-небудзь удзельнічала, менавіта гэта было першым крокам, які, як мы меркавалі, зробіць Іран», — сказала Клінтан.

ЗША пачалі блакаду Армузскага праліва пасля праваленых перамоў Вашынгтона і Тэгерана ў Ісламабадзе. Гаворка ідзе пра парты ў Персідскім і Аманскім залівах, якія паміж сабой злучае Армузскі праліў.