Трамп заінтрыгаваў новай заявай аб вайне ў Іране

• 15.04.2026, 13:33

ЗША рыхтуюць здзелку.

Прэзідэнт ЗША Дональд Трамп заявіў, што пагадненне з Іранам «цалкам магчыма» будзе заключана да візіту брытанскага караля ў Злучаныя Штаты напрыканцы красавіка.

Пра гэта паведамляе Sky News.

«Гэта магчыма. Цалкам магчыма. Іх (Іран, — рэд.) моцна пабілі. Гэта цалкам магчыма», — падкрэсліў амерыканскі прэзідэнт.

Акрамя таго, Трамп пракаментаваў адносіны з брытанскімі лідарамі — ён пахваліў свае адносіны з каралём і дадаў, што яму «падабаецца прэм’ер-міністр Кір Стармер».

Журналісты таксама спыталі прэзідэнта ЗША пра стан «асаблівых адносін» з Брытаніяй, якія, паводле слоў самога Трампа, «былі лепшымі».

«Як развіваюцца адносіны? Гэта такія адносіны, калі мы прасілі іх аб дапамозе, а іх не было. Калі мы ў іх мелі патрэбу, іх не было. Калі мы ў іх не мелі патрэбы, іх не было. І іх дагэтуль няма», — адзначыў ён.