Лідар гурта «Дай Дарогу» атрымаў правы шкіпера

• 15.04.2026, 18:04

Музыкант атрымаў правы капітана для кіравання ветразнай яхтай.

Лідар гурта «Дай Дарогу» Юрый Стыльскі навучыўся у Польшчы на шкіпера і атрымаў правы капітана для кіравання ветразнай яхтай. Пра гэта ён распавёў у сваіх акаўнтах у сацыяльных сетках.

«Сябры, сёння я з гонарам паведамляю, што атрымаў пасведчанне Inshore Skipper ад Міжнароднай асацыяцыі ветразнага спорту (ISSA). Гэта новая хваля ў маім жыцці, і я шчаслівы, што ўсё ідзе патрэбным курсам», — напісаў Стыльскі.

Таксама ён з гумарам прапанаваў новую форму звароту: «Адныне вы можаце зваць мяне — мой капітан!»

Сертыфікат ISSA Inshore Skipper дае права самастойна кіраваць ветразнай або маторнай яхтай, а таксама браць яхту ў чартар (арэнду) па ўсім свеце.