Украіна атрымае ў 2026 годзе вайсковую падтрымку ад НАТА на $60 млрд

• 15.04.2026, 18:45

Прыярытэт — СПА і беспілотнікі.

Генеральны сакратар НАТА Марк Рютэ абяцае, што дзяржавы-чальцы Альянсу на працягу 2026 года прадаставяць Украіне вайсковую падтрымку на суму 60 млрд долараў, перадае «Еўрапейская праўда».

«Мы павінны забяспечыць, каб Украіна атрымала неабходную падтрымку. Усе саюзнікі павінны інвеставаць больш, каб дасягнуць мэтавага паказчыка ў 60 мільярдаў долараў на падтрымку бяспекі і абароны Украіны ў гэтым годзе», — заявіў Рютэ.

Ён падкрэсліў, што «любые сродкі, што паступаюць з крэдыту ЕС на падтрымку Украіны, павінны быць дадатковымі да таго, што саюзнікі выдзяляюць на двухбаковай аснове».

«Мы павінны сканцэнтраваць фінансаванне на прыярытэтах — супрацьпаветранай абароне, беспілотніках і боепрыпасах павялічанай дальнасці. Гэта прыярытэты», — падкрэсліў генсак НАТА.

Ён нагадаў, што ў 2026 годзе працягвае дзейнічаць механізм PURL па закупках амерыканскай зброі дзяржавамі-чальцамі НАТА для Украіны.

Таксама кіраўнік Альянсу звярнуў увагу на непрапарцыйнае размеркаванне выдаткаў на падтрымку Украіны паміж дзяржавамі-чальцамі.

«Гледзячы наперад да саміту НАТА ў Анкары, мы таксама павінны дасягнуць прагрэсу ў забеспячэнні больш справядлівага і прадказальнага падыходу да падтрымкі абаронных намаганняў Украіны... Гэта сапраўды праблема: занадта мала краін нясуць занадта вялікі цяжар, і мы павінны гэта вырашыць. Падтрымка барацьбы Украіны важная — як ніколі», — падкрэсліў Марк Рютэ.