ЗША нанеслі новы ўдар па расійскай і іранскай нафце

• 16.04.2026, 9:03

Выключэнняў з санкцый не будзе.

Вашынгтон не будзе падаўжаць часовыя дазволы, якія дазвалялі набываць пэўныя аб'ёмы падсанкцыйнай нафты з Расіі і Ірана, сказаў журналістам міністр фінансаў ЗША Скот Бэсент.

«Мы не будзем падаўжаць генеральную ліцэнзію на расійскую нафту і не будзем падаўжаць генеральную ліцэнзію на іранскую нафту. Ішлося пра нафту, якая знаходзілася на судах у моры станам на 11 сакавіка. Гэты аб'ём ужо выкарыстаны», — сказаў Бэсент на брыфінгу ў Белым доме. Выключэнне для расійскай нафты сплывае ў гэтыя выхадныя, а для іранскай — 19 красавіка.