У Беларусі на запраўках хочуць распаўсюджваць бактэрыі

• 16.04.2026, 14:58

Для ачысткі ад паліва.

У Беларусі бактэрыі будуць ачышчаць зямлю каля заправаў ад астаткаў паліва. Падрабязнасці паведамляе «Мінская праўда».

Ідзе гаворка пра біясурфактанты, або экалагічна бяспечныя павярхоўна-актыўныя рэчывы, якія выпрацоўваюцца мікраарганізмамі.

— Біясурфактанты зніжаюць вязкасць нафты, ператвараючы яе ў эмульсію, больш даступную для мікраарганізмаў-дэструктароў нафты. Дзякуючы гэтаму хуткасць аднаўлення нафтазабруджанай глебы ўзрастае ў некалькі разоў, — звяртае ўвагу загадчыца лабараторыі прыроднаахоўных біятэхналогій Інстытута мікрабіялогіі Нацыянальнай акадэміі навук Алена Глушэнь.