Трамп залічыў сабе ўрэгуляванне «дзясятай» вайны

• 16.04.2026, 21:52

Прэзідэнт ЗША паставіў сабе ў заслугу перамір’е Ізраіля і Лівана.

Прэзідэнт ЗША Дональд Трамп у чацвер заявіў, што спыненне агню паміж Ізраілем і Ліванам стала «дзясятым» канфліктам, які ён урэгуляваў. Пра гэта ён паведаміў у сацсетцы Truth Social.

Амерыканскі прэзідэнт заявіў, што пагаварыў з прэзідэнтам Лівана Джозэфам Аунам і прэм’ер-міністрам Ізраіля Біньямінам Нетаньяху і дамовіўся аб спыненні агню паміж краінамі на дзесяць дзён. Ён дадаў, што перамір’е пачнецца а 17:00 EST (апоўначы з чацвярга на пятніцу па мінскім часе).

«Для мяне было гонарам урэгуляваць дзевяць войнаў па ўсім свеце, і гэта будзе мая дзясятая, так што давайце зробім гэта!» — напісаў Трамп.