Лукашэнка назваў паршывай гульню мінскага «Дынама» ў плэй-оф КХЛ

• 16.04.2026, 22:03

Дыктатар раскрытыкаваў сваю «любімую цацку».

Дыктатар Беларусі Аляксандр Лукашэнка раскрытыкаваў выступленне хакейнага клуба мінскага «Дынама» ў плэй-оф Кантынентальнай хакейнай лігі (КХЛ).

«Чым я нядаўна перахварэў? Гэта адна з праблем. Не толькі мінскае «Дынама» паршыва гуляе ў хакей, гэта таксама для «прэзідэнта» праблема», — заявіў Лукашэнка.

15 красавіка казанскі «Ак Барс» выйграў чвэрцьфінальную серыю ў мінскага «Дынама». Сустрэча прайшла на хатняй арэне «Ак Барса» і завяршылася з лікам 3:2. Выніковы лік серыі — 4:0 на карысць казанскага клуба.