Пераможца выбараў у Венгрыі адмовіўся ад асабістай паліцэйскай аховы

• 16.04.2026, 22:07

Петер Мадьяр заявіў, што яму няма чаго баяцца.

Лідар партыі «Ціса» і пераможца парламенцкіх выбараў у Венгрыі Петер Мадьяр, які, верагодна, стане новым прэм'ерам, заявіў, што адмовіўся ад асабістай паліцэйскай аховы.

Пра гэта ён паведаміў на сваёй старонцы ў сацсетцы X у чацвер, 16 красавіка.

«Дзякуй кіраўніку Нацыянальнай паліцыі за прапанову, але я працягваю адмаўляцца ад асабістай паліцэйскай аховы — ці то кругласутачнай, ці якой-небудзь іншай», — напісаў Мадьяр.

Ён кажа, што яму «дагэтуль не было чаго баяцца». Таксама палітык адзначыў, што мае намер «працаваць так, каб і надалей не было чаго баяцца».

«Венгрыя стане месцам, дзе ніхто, хто сумленна працуе і жыве, не павінен будзе баяцца», — дадаў Мадьяр.