На мінскай Камароўцы з’явілася першая беларуская клубніца

• 17.04.2026, 16:32

Цана шокавая.

У Мінску на Камароўцы пачалі прадаваць беларускую клубніцу. Журналіст tochka.by знайшоў яе толькі ў аднаго прадаўца.

Прадаўшчыца распавяла, што ягада вельмі смачная і толькі-толькі з’явілася. «Я прадаю другі дзень», — падзялілася яна.

Беларуская клубніца каштуе 38 рублёў за кілаграм. Гэта амаль у чатыры разы даражэй за грэчаскую. Некаторыя прадаўцы просяць за прывезеныя ягады менш за 10 рублёў за кілаграм.

У сярэднім па рынку яна каштуе 10,9–13 рублёў за кілаграм. Цэны на грэчаскую клубніцу абрынуліся адносна нядаўна. Яшчэ некалькі тыдняў таму ягада каштавала больш за 20 рублёў за кілаграм. У некаторых прадаўцоў яна каштавала і больш за 30.