Стала вядома, калі Мадьяр можа стаць прэм’ер-міністрам Венгрыі

• 17.04.2026, 15:55

Партыі дамовіліся.

Будучы прэм’ер-міністр Венгрыі Петер Мадьяр сустрэўся з прадстаўнікамі партый, якія прайшлі ў парламент, і дамовіўся з імі пра дату зацвярджэння новага ўрада. Пра гэта, як піша «Еўрапейская праўда», паведамляе HVG.

На кансультацыях прысутнічалі прадстаўнікі «Цісы», «Фідэс», Хрысціянска-дэмакратычнай народнай партыі і Mi Hazánk («Наша Радзіма»). Прэм’ер-міністра Віктара Орбана на сустрэчы не было, а партыю прадстаўляў кіраўнік ягонага апарату Гергей Гуяш.

Удзельнікі сустрэчы пагадзіліся, што ўстаноўчае пасяджэнне Нацыянальнай асамблеі адбудзецца 9 мая, і ў той жа дзень будзе абраны прэм’ер-міністр. Згодна з Канстытуцыяй Венгрыі, абавязак склікаць першае пасяджэнне парламента належыць прэзідэнту краіны.

На кансультацыях прадстаўнікі таксама дамовіліся, што апазіцыя атрымае больш пасадаў віцэ-прэзідэнтаў у парламенце, чым было раней — па адным ад кожнай партыі.