Андрус Кубілюс: Еўропе патрэбны новы абаронны саюз з удзелам Украіны

• 17.04.2026, 17:21

А таксама краін ЕС, Вялікабрытаніі і Нарвегіі.

Еўракамісар па пытаннях абароны Андрус Кубілюс прапануе распрацаваць новы міжурадавы еўрапейскі дагавор для стварэння абароннага саюза і падрыхтоўкі блока да самаабароны, паведамляе Euractiv.

Палітык выказаў сумнеў, што існыя дагаворы ЕС здольныя падтрымаць краіны-члены ў стварэнні «абароннага саюза».

«Я заклікаю да стварэння новага сапраўднага еўрапейскага абароннага саюза, у які далучацца Вялікабрытанія, Нарвегія і Украіна. І для гэтага давайце заключым дадатковы новы міжурадавы дагавор», — падкрэсліў еўракамісар.

Паводле слоў Кубілюса, яго можна было б стварыць па ўзоры Шэнгенскага пагаднення.