Украіна змяняе правілы вайны

• Аляксей Копыцько
• 17.04.2026, 18:29

ЗСУ робяць стаўку на дроны і штурм як аснову новай арміі.

Мінабароны зрабіла заяву пра ўкараненне новай мадэлі вядзення баявых дзеянняў — ужыванне дронна-штурмавых падраздзяленняў. Пры гэтым падкрэсліваецца, што падобны досвед ужо даў пазітыўныя вынікі ў паўднёвай аперацыйнай зоне.

Пра што ідзе гаворка? Гэта чытаецца як падтрымка лагікі, прапанаванай галоўнакамандуючым Сырскім. Штурмавыя войскі з нарошчваннем дроннага кампанента — гэта ўжо данасць. Уласна, пра поспехі штурмавых падраздзяленняў на поўдні публічна паведамляюць і Мінабароны, і Генштаб. А раз гэта данасць — патрэбная адпаведная фармалізацыя.

Прэзідэнт Зяленскі анансаваў рашэнні па фармалізацыі штурмавых войскаў яшчэ ў верасні 2025 г. Цяперашні сігнал ад Мінабароны можа падштурхнуць крыху падвіслы працэс: Кабмін павінен унесці на разгляд ВРУ адпаведны законапраект.

Бюракратычная лагіка падказвае, што без аналізу настрояў у зале дакумент з Кабміна не выйдзе. Калі выйдзе ў нейкі прадказальны тэрмін — значыць, ёсць кансэнсус.

Дыскусію наконт штурмавых войскаў назіралі ўсе. Калі браць абстрактна, «дронна-штурмавыя» падраздзяленні гучаць як нешта, што закранае не толькі сферу кампетэнцыі гераічных Дэсантна-штурмавых войскаў, але і Сіл беспілотных сістэм. Аднак усё залежыць ад канкрэтнага нарматыўнага напаўнення і прыкладных рашэнняў.

Успомнім працэс нараджэння СБС. Было шмат скепсісу і шмат ручнога кіравання. Асабіста ў мяне таксама быў скепсіс. Бо гэта не сістэмнае рашэнне, а нацягванне нарматыўнай абалонкі на ўдалую практыку, што ўзнікла яўочным парадкам. «Кулямётныя войскі». Але гэта спрацавала.

Цяпер ніхто не можа адмаўляць эфектыўнасць новага роду сіл, якія намацалі сваю нішу і нарошчваюць актыўнасць. Прыярытэтызацыя ў прывязцы да тэхналогіі дала вынік, якога магло і не быць у лагіцы арганічнага развіцця ўзброеных сіл (іншымі словамі — здаровае зерне не патанула ў бюракратыі).

Цяпер падраздзяленні БПС у розных структурах Сіл абароны Украіны арыентуюцца на досвед і стандарты СБС. Што на пэўным этапе шматкроць павялічвае эфект.

Дык што дыскусія з элементамі сінэргіі на аснове досведу можа нешта даць. Вайна паказвае, што працуе і што трэба пакласці ў аснову, часам абвяргаючы або карэкціруючы ўстаялы падыход. Увогуле, чакаем законапраекта пра штурмавыя войскі, сам факт з'яўлення якога стане маркерам, і сочым за кірункам дыскусіі.

Аляксей Копыцько, Facebook