На святы ў Беларусі пусцяць больш за 100 дадатковых цягнікоў

• 17.04.2026, 19:14

Дадатковыя рэйсы пусцяць па найбольш запатрабаваных накірунках.

З 17 красавіка па 12 мая пусцяць больш за 100 дадатковых цягнікоў. Пра гэта паведаміла Беларуская чыгунка (БЧ).

Прызначана 20 дадатковых міжнародных цягнікоў на накірунках Мінск — Санкт-Пецярбург, Брэст — Масква.

Па краіне пусцяць каля 80 дадатковых цягнікоў па найбольш запатрабаваных у пасажыраў накірунках: Мінск — Брэст, Мінск — Калінкавічы — Гомель, Мінск — Магілёў, Мінск — Пінск.