Больш за палову брытанцаў падтрымліваюць вяртанне ў ЕС

• 18.04.2026, 5:41

Праеўрапейскія настроі ўзмацняюцца.

Паводле даследавання, якое адлюстроўвае настроі выбарцаў праз 10 гадоў пасля рэферэндуму па брэксіце, сярод брытанскіх выбарцаў расце падтрымка вяртання ў ЕС, а не проста на адзіны рынак: больш за 80% прыхільнікаў Лейбарысцкай партыі, Ліберальных дэмакратаў і Партыі зялёных падтрымліваюць гэты варыянт.

Пра гэта гаворыцца ў даследаванні Best for Britain, вынікі якога прыводзіць Guardian.

Даследаванне паказала, што хоць 61% усіх выбарцаў падтрымалі цяперашні падыход урада да адносін з ЕС, толькі 19% зрабілі гэта «рашуча».

Поўнае вяртанне ў ЕС падтрымалі б 53% усіх выбарцаў; прычым падтрымка сярод выбарцаў Лейбарысцкай партыі склала 83%, сярод ліберальных дэмакратаў — 84%, а сярод «зялёных» — 82%, як паказала апытанне.

Сярод выбарцаў Кансерватыўнай партыі і партыі Reform UK такі крок падтрымалі б адпаведна 39% і 18%, як высветліла Best for Britain.