На мяжы ЕС і Беларусі — велізарныя чэргі

• 18.04.2026, 15:34

1300 легкавікоў на мяжы чакаюць уезду ў Польшчу.

Напярэдадні працяглых выходных на мяжы Беларусі з ЕС прыкметна павялічыліся чэргі.

Паводле даных на 12:00 18 красавіка, найвялікшая нагрузка назіраецца ў пункце пропуску Тэрэспаль (Брэст): тут сабралася 1065 легкавых аўтамабіляў і 36 аўтобусаў.

На пераходах Кузніца Беластоцкая (Брузгі) і Боброўнікі (Бераставіца) ўезду ў Польшчу чакаюць адпаведна 140 і 105 легкавых аўтамабіляў.

На літоўскім напрамку чэргаў сярод легкавых аўтамабіляў няма — там стаяць толькі грузавікі. Перад пунктам пропуску Шальчынінкай (Беняконі) зафіксавана 215 фур, а перад Мядзінінкаем (Каменны Лог) — 140.