У Кіеве мужчына адкрыў агонь з аўтамата

Паліцыя праводзіць аперацыю па затрыманні.

Мужчына з аўтаматам адкрыў агонь па людзях у раёне Дэмііўка ў украінскім Кіеве. Яго ўжо пераследуе паліцыя, піша unian.net.

На некаторых кадрах, апублікаваных у сеціве, відаць, як стралец у грамадзянскім адзенні бяжыць па вуліцы і страляе ў выпадковых мінакоў.

У паліцыі пацвердзілі факт здарэння. Паводле папярэдняй інфармацыі, адзін чалавек загінуў, ёсць параненыя. Колькасць пацярпелых удакладняецца.

Паведамляецца, што паліцыя праводзіць спецаперацыю па затрыманні стралка, на месца здарэння накіраваныя нарады паліцыі і спецпадраздзяленне КОРД.

Жыхароў Дэмііўкі просяць заставацца дома.

Апошнія навіны