У мінскім метро на камеры відэаназірання з’явіліся шыпы

• 18.04.2026, 21:29

Навошта яны патрэбныя?

У Мінскім метрапалітэне расказалі, навошта на камеру відэаназірання ўстанавілі шыпы, піша агенцтва «Мінск-Навіны».

Пасажыры метро ў Мінску звярнулі ўвагу на з’яўленне металічных шыпоў на камеры відэаназірання каля ўваходу на станцыю «Кастрычніцкая».

Раней у гэтым месцы часта бачылі галубоў. Але пасля таго як камеру абсталявалі металічнымі шыпамі, галубы зніклі.

У Мінскім метрапалітэне назвалі гэта вымушанай мерай у сувязі з неабходнасцю забяспечваць бяспеку і выконваць санітарныя нормы. Бо птушкі, што сядалі на відэакамеру, перашкаджалі агляду і забруджвалі абсталяванне. Акрамя таго, самі пасажыры раней звярталіся да кіраўніцтва з-за наяўнасці птушак, якія негатыўна ўплывалі на санітарны стан гэтага ажыўленага месца ў метрапалітэне.