Папа Рымскі адмовіўся спрачацца з Трампам

• 19.04.2026, 3:22

І патлумачыў свае словы пра тыранаў.

Папа Рымскі Леў XIV заявіў, што не мае намеру ўступаць у публічныя спрэчкі з прэзідэнтам ЗША Дональдам Трампам наконт канфлікту з Іранам.

Як паведамляе Politico, пантыфік зрабіў гэтую заяву 18 красавіка падчас пералёту ў Афрыку ў межах свайго 11-дзённага візіту.

Паводле слоў Папы, яго ранейшыя словы пра «жменьку тыранаў, якія трацяць мільярды на вайны» былі напісаныя задоўга да абвастрэння дыскусіі — прыблізна за два тыдні да крытыкі з боку Трампа.

«Так атрымалася, што гэта выглядала, быццам я зноў спрабую спрачацца з прэзідэнтам Трампам, хоць я зусім не зацікаўлены ў гэтым», — адзначыў ён.

Пантыфік таксама дадаў, што надалей мае намер засяродзіцца на пропаведзях пра хрысціянскія каштоўнасці, закліках да брацтва і пошуку шляхоў умацавання справядлівасці і міру ў свеце.