«А самі лекары ў курсе, што яны столькі зарабляюць?»
- 19.04.2026, 8:58
Беларусаў абурылі афіцыйныя «дадзеныя» пра заробкі медыкаў.
Прафсаюзы нядаўна агучылі даныя пра сярэднія заробкі медыкаў за 2025 год. Гэтыя лічбы выклікалі даволі актыўнае абмеркаванне сярод саміх работнікаў гэтай сферы, піша «Зеркало».
Па выніках 2025 года сярэдні заробак работнікаў аховы здароўя склаў 2 216,7 рубля, як раней паведамілі на пасяджэнні прэзідыума Беларускага прафсаюза работнікаў аховы здароўя пры падвядзенні вынікаў выканання галіновага пагаднення з Мінздароўем. Хутчэй за ўсё, гэта сума да выплаты падаткаў і страхавых узносаў (гэта мінімум 14%).
Як паведамлялася, заробкі медыкаў працягнулі расці. Сярэдні даход лекараў дасягнуў 4 006,5 рубля, павялічыўшыся за год на 12,1%. У сярэдняга медыцынскага персаналу заробак склаў 2075 рублёў — рост на 15,5%. У цэлым па галіне прыбаўка аказалася яшчэ вышэй — амаль 18%.
Медыцынскія работнікі тым часам адрэагавалі на гэтую навіну. Вось што яны кажуць пра свае заробкі:
«Лекар-неанатолаг — 2640 рублёў, і гэта лічыцца нармальным заробкам».
«Чаму ніхто не кажа пра санітарак? Ці гэта ўжо не медперсанал?»
«А самі лекары ў курсе, што яны столькі зарабляюць?»
«Медыцынская сястра на стаўку атрымлівае каля 1200 рублёў».
«Каб зарабіць 2000 рублёў, трэба літаральна жыць на працы і браць начныя змены».
«Медсястра са стажам 25 гадоў і дадатковай нагрузкай атрымлівае каля 1300 рублёў на рукі».
«Фельчар хуткай дапамогі з вялікай колькасцю змен зарабляе прыкладна 2200 рублёў».
«Сярэдні медперсанал атрымлівае 1000−1200 рублёў, усё астатняе — толькі за перапрацоўкі».
«Санітарка з акладам 330 рублёў у выніку атрымлівае каля 650 рублёў на рукі».
«Фельчар у сельскай мясцовасці — прыблізна 950 рублёў у месяц».
«Каб атрымліваць больш, даводзіцца працаваць на 1,5−2 стаўкі, а гэта да 300 гадзін у месяц».
«Медсястра з 35-гадовым стажам атрымлівае каля 1200−1400 рублёў».
«Памочнік лекара зарабляе менш за 1000 рублёў, дзе абяцаныя высокія заробкі?»
«На практыцы заробкі ў медыцыне моцна завышаюць — у рэчаіснасці ўсё значна ніжэй».
«Нават у Мінску пагадзінная аплата ў медперсаналу атрымліваецца вельмі невялікая».
«Санітаркі атрымліваюць 700−900 рублёў за цяжкую працу».
«На адну стаўку такіх заробкаў няма — толькі калі браць паўтары або дзве стаўкі».
«Шмат хто з медыкаў пацвярджае: заяўленыя лічбы не адпавядаюць рэчаіснасці».
«Каб атрымаць каля 2000 рублёў, трэба браць дадатковыя змены і перапрацоўваць».
«Большасць работнікаў медыцыны кажа, што іх рэальныя даходы істотна ніжэйшыя за заяўленыя».