Лукашэнка ў дагоду РФ назваў сябе «сукіным сынам»

• 19.04.2026, 13:18

Дыктатар прыніжана апраўдваўся перад крэмлёўскімі прапагандыстамі.

Аляксандр Лукашэнка ў інтэрв’ю заблакаванаму ў Еўропе і ЗША расійскаму прапагандысцкаму каналу RT пракаментаваў перамовы з амерыканскай дэлегацыяй, якія цягнуцца ўжо год. Вынікам гэтых перамоваў стала зняцце шэрагу санкцый з Беларусі і выхад на волю некалькіх сотняў палітвязняў, перадае «Еўрарадыё».

«Калі ў Расіі мяне хтосьці папракае, што я вядзу перамовы з амерыканцамі, я магу ім задаць пытанне — а вы што, не вядзеце з амерыканцамі дыялог? Вядзеце. Але я вядзу дыялог з амерыканцамі не супраць Расіі, не супраць Кітая. На першай сустрэчы я ім сказаў: хлопцы, Расія, Кітай — гэта не проста нашы партнёры, гэта нашы сябры», — сказаў Лукашэнка.

«За што нас папракаць? Няма за што. Якія б перамовы са мной Захад ні вёў, я цудоўна разумею, што я не іх сукін сын», — сказаў Лукашэнка.