У ДТЗ у Магілёўскім раёне трапіла сям'я з трыма дзецьмі

• 19.04.2026, 17:01

Малодшаму няма і двух гадоў.

Аварыя адбылася ў нядзелю, 19 красавіка, у 11:40 недалёка ад вёскі Князеўка Магілёўскага раёна. Паводле папярэдніх звестак, адзін з кіроўцаў не саступіў дарогу другому. У выніку аўтамабілі сутыкнуліся.

Паводле папярэдніх звестак УДАІ УУС Магілёўскага аблвыканкама, пры выездзе з другараднай дарогі 47-гадовая кіроўца Nissan не саступіла дарогу аўтамабілю Ford. Ім кіраваў 32-гадовы магілёвец, у машыне таксама былі яго жонка і трое дзяцей — дзевяці, шасці і аднаго года і васьмі месяцаў. Усе яны цяпер у бальніцы.

Супрацоўнікі ДАІ адзначаюць, што ўсе трае дзяцей былі ў аўтакрэслах і прышпіленыя рамянямі бяспекі, таму сур'ёзна не пацярпелі.