Зафіксавана маштабная перакідка войскаў РФ праз Марыупаль

• 19.04.2026, 18:53

У складзе калон прысутнічаюць грузавікі Расгвардыі.

Армія Расіі актывізавала перакідку войскаў і боепрыпасаў праз акупаваны Марыупаль. Пра гэта 19 красавіка паведаміў кіраўнік Цэнтра вывучэння акупацыі Петр Андрющенко.

Паводле яго слоў, амаль тры дні праз горад прайшлі некалькі ваенных калон з Растоўскай вобласці ў кірунку Бердзянска і Мелітопаля.

Акупанты перакрывалі некалькі вуліц для аховы перамяшчэння захопнікаў. Відавочцы зафіксавалі больш за 80 грузавікоў з боекамплектам, каля 75 грузавікоў і аўтобусаў з асабовым складам, а таксама прыблізна паўтара дзясятка цягачоў з БТР.

«Незвычайна, што ў складзе калон прысутнічаюць грузавікі Расгвардыі. Падобна, цяпер штурмавікоў перавозяць у суправаджэнні загараджальных атрадаў», — адзначыў Андрющенко.