Дзе ў Беларусі больш за ўсё аўто

• 19.04.2026, 22:06

Мінск застаўся за паваротам.

Да канца 2025 года ў асабістым карыстанні беларусаў было амаль 3 200 000 легкавых аўтамабіляў. Іншымі словамі, у кожнага трэцяга, паводле звестак Белстата.

Калі быць дакладна, то на 1000 чалавек па краіне прыпадае 339 машын. Але ў рэгіёнах ёсць вялікая розніца.

Як высветлілася, больш за ўсё аўто ў жыхароў Гродзенскай вобласці. А менавіта 415 на 1000 чалавек. Лідарства з істотным адрывам.

Затым ідуць Брэсцкая вобласць (з паказчыкам 382), Мінская (374), Магілёўская (348) і Віцебская (336) вобласці.

Як ні дзіўна, але сярод адстаючых апынуўся Мінск са значэннем ніжэй сярэдняга — 321. А замыкае рэйтынг Гомельская вобласць, дзе на 1000 чалавек прыпадае 317 аўто.

У выніку розніца ў аўтамабілізацыі паміж рэгіёнамі адчувальная — амаль 100 машын.

Але ў абсалютных лічбах рэйтынг цалкам змяняецца. Першае месца займае Мінск з больш за 640 000 аўто, затым ідзе Мінская вобласць з 543 700.

Потым — Брэсцкая (493 100), Гомельская (417 500), Гродзенская (405 000) вобласці. Менш за 400 000 аўто толькі ў Віцебскай (356 000) і Магілёўскай (334 800) абласцях.

З-за льгот на электрамабілі гэты від транспарту выбіраюць усё больш людзей. За 2025 год іх колькасць на дарогах вырасла з 20 700 да 44 700.

Пераважная большасць зарэгістраваная ў Мінску і Мінскай вобласці, пераважна ў Мінскім раёне.

Адпаведная інфраструктура не адстае ад попыту. На пачатак 2026-га колькасць зарадных станцый за год вырасла ў 1,5 раза і склала 2026 адзінак.