Расія завальвае Беларусь сырам і тварагом

• 2.04.2026, 15:43

Беларускі рынак запаўняюць расійскія прадукты сумнеўнай якасці.

Паводле даных «Аграэкспарту», летась Беларусь стала другім па аб'ёмах пакупніком расійскіх сыроў і тварагу. Аб'ём іх імпарту склаў 29 млн долараў.

Лідарам быў Казахстан, які імпартаваў гэтай прадукцыі на суму больш за 84 млн долараў.

У першую пяцёрку таксама ўвайшлі Узбекістан (больш за 22,5 млн долараў), Кыргызстан (каля 9 млн долараў) і Азербайджан (каля 5,5 млн долараў).

Паводле ацэнак экспертаў, у 2025 годзе Расія паставіла на замежныя рынкі амаль 33 тыс. тон сыроў і тварагу на амаль 173 млн долараў. У параўнанні з 2024-м экспарт вырас на 14% у грашовым выражэнні.

Летась экспарт сыроў і тварагу абнавіў гістарычны максімум. Раней рэкорд быў зафіксаваны ў 2022 годзе — 153 млн долараў.