Трамп звольніў генеральнага пракурора ЗША Пэм Бонді

• 2.04.2026, 20:52

Прэзідэнт ЗША назваў прычыну.

Генеральны пракурор ЗША Пэм Бонді сыдзе ў адстаўку і пяройдзе ў прыватны сектар, заявіў у Truth Social прэзідэнт ЗША Дональд Трамп.

Выконваючым абавязкі генеральнага пракурора стане яе намеснік Тод Бланш.

«Пэм Бонді — вялікая патрыётка Амерыкі і мой верны сябар, якая летась добрасумленна выконвала абавязкі майго генеральнага пракурора. Пэм зрабіла велізарную працу, курыруючы маштабнае падаўленне злачыннасці па ўсёй нашай краіне, у выніку чаго колькасць забойстваў упала да найніжэйшага ўзроўню з 1900 года. Мы любім Пэм», — напісаў ён.