Пентагон паведаміў пра паспяховае выпрабаванне гіпергукавай ракеты

• 2.04.2026, 21:06

Запуск адбыўся на касмадроме на мысе Канаверал у Фларыдзе.

Армія і ВМС ЗША 26 сакавіка паспяхова правялі запуск гіпергукавай ракеты, паведаміў Пентагон.

Запуск адбыўся на касмадроме на мысе Канаверал у Фларыдзе.

«Партнёрства арміі і флоту па стварэнні адзінай гіпергукавай ракеты для наземных і марскіх платформаў падтрымлівае Нацыянальную стратэгію абароны, паскараючы тэрміны, зніжаючы выдаткі і забяспечваючы даўгавечнасць», — гаворыцца ў паведамленні.

Па інфармацыі Пентагона, ракета прызначаная для паражэння добра абароненых і асабліва небяспечных аб'ектаў на хуткасцях, што перавышаюць лік Маха ў пяць разоў. Іншыя тэхнічныя характарыстыкі не ўдакладняюцца.

Лік Маха паказвае, у колькі разоў хуткасць аб'екта большая за хуткасць гуку ў тым асяроддзі, у якім ён ляціць. Калі самалёт ляціць з хуткасцю, роўнай хуткасці гуку, гэта 1 Мах; у два разы хутчэй — 2 Махі і г.д. Важна разумець, што хуткасць гуку змяняецца ў залежнасці ад вышыні і тэмпературы асяроддзя, таму 1 Мах — гэта не фіксаваныя «6100 км/г», а розная хуткасць у розных умовах.