Мадьяр зрабіў заяву пра канфіскаваныя сродкі «Ашчадбанка»

• 21.04.2026, 8:48

Будучы прэм’ер Венгрыі хоча абмеркаваць гэтае пытанне з Зяленскім.

Будучы прэм’ер-міністр Венгрыі Петер Мадьяр заявіў, што будзе гатовы абмеркаваць пытанне аб канфіскацыі ўкраінскіх сродкаў «Ашчадбанка» пасля ўступлення на пасаду.

Яго заяву цытуе выданне Telex.

Прэзідэнт Украіны Уладзімір Зяленскі адзначыў, што хоча абмеркаваць з Мадьярам пытанне аб канфіскаваных сродках украінскага «Ашчадбанка». На прэс-канферэнцыі ў панядзелак Мадьяр падкрэсліў, што зможа весці перамовы на гэтую тэму толькі пасля прынясення прысягі прэм’ер-міністра.

«Мы не ведаем, што насамрэч адбылося (у справе інкасатараў. — Рэд.), мы таксама бачылі прапагандысцкія навіны», — сказаў ён, дадаўшы, што многія падрабязнасці застаюцца незразумелымі.

Ён заклікаў да цярплівасці і ўзважанага падыходу, а таксама выказаўся за адкрыццё нафтаправода «Дружба».