Біньямін Нетаньяху: Іранскі рэжым планаваў новы Халакост

• 21.04.2026, 15:24

Усунута экзістэнцыйная пагроза для Ізраіля.

Свету магла б пагражаць катастрофа маштабаў Халакосту з ужываннем ядзернай зброі. З гэтымі сцвярджэннямі прэм’ер Ізраіля Біньямін Нетаньяху выступіў на дзяржаўнай жалобнай цырымоніі ў Іерусаліме з нагоды Дня памяці загінулых у войнах і ахвяр тэрактаў, перадае 7 канал ізраільскага тэлебачання.

«Рэжым у Іране планаваў яшчэ адзін Халакост, — заявіў ён. — Іран меў намер знішчыць нас з дапамогай ядзерных бомбаў і тысяч балістычных ракет.

Калі б мы не дзейнічалі супраць гэтай экзістэнцыйнай пагрозы, назвы аб’ектаў Натанз, Фордо, Ісфахан, верагодна, далучыліся б да назваў лагераў смерці часоў Халакосту: Асвенцым, Майданэк, Трэблінка.

Мы ліквідавалі непасрэдную экзістэнцыйную пагрозу для сябе».